tag:blogger.com,1999:blog-1063703083214806552024-03-13T22:19:19.710-07:00SalaysayDexter Marin Fabitohttp://www.blogger.com/profile/03366859294088895342noreply@blogger.comBlogger11125tag:blogger.com,1999:blog-106370308321480655.post-15120281165548281882012-02-03T18:21:00.000-08:002012-02-03T18:22:57.869-08:00Spicy Adobo Golden KuholSpicy adobo golden apple snails, locally known as golden kuhol, Bisukol in Iluko. <br/><br/>
<div class="separator" style="clear: both; text-align: center;">
<a href="http://1.bp.blogspot.com/-bVC6Kuvc2ik/TyyUvFQSZNI/AAAAAAAAAOg/G3-FZcTbo9I/s1600/31307_1349327731020_1166148120_30837028_6852221_n.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://1.bp.blogspot.com/-bVC6Kuvc2ik/TyyUvFQSZNI/AAAAAAAAAOg/G3-FZcTbo9I/s200/31307_1349327731020_1166148120_30837028_6852221_n.jpg" /></a></div><br/><br/>
Some says this is aphrodisiac. I tried to eat this before my wife gone abroad. But, oh, the effect is so great! So, why don't you try this.<br/><br/>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-88385630934927998772012-02-03T00:22:00.000-08:002012-02-03T00:22:36.907-08:00NASUSSUSTANSIA TI NAPULBOS A BULONG TI MARUNGGAY (POWDERED MORINGA OLEIFERA)Co-author: Evangeline M. Pagarigan<br/><br/>
Kadawyan a no aglutotayon iti tinola wenno noodles wenno dinengdeng a nalaokan iti kuditdit wenno laplapayag ken nasagpawan iti tinuno a dalag, isunto metten ti panagalatayo iti bulong ti marunggay. Presko kunatayo ket adu ti maalatayo a bitamina. Ngem gayam, ad-adu ti maala a bitamina, protina, kalsium, iron, ken potassium iti naibilag a bulong ti marunggay. Kayatna ngarud a sawen nga ad-adda manen a lumukmeg ken sumalun-at dagiti agsidsida iti nalaokan iti naibilag ken napulbos a bulong ti marunggay. <br/><br/>
Naammuanmi daytoy bayat ti idadar-aymi iti programa ti Departamento ti Edukasion ken Departamento ti Salun-at (DOH) a maawagan iti Synchronized Malunggay Based Recipe wenno pannakaidasar ken pannakapreserba iti marunggay (Moringa Oleifera). Naipatungpal daytoy kadagiti amin nga eskuela elementaria iti pagilian idi Marso 9, 2009 a pakaibilangan ti Balingit Elementary School iti barangaymi nga idauluan ni Ms. Mae Adelfa N. Telan, Principal I, a maysa met laeng kadagiti naglektiur maipanggep iti pannakaisagana ti marunggay. <br/><br/>
Malagip nga idi 1997 aginnga iti 1998, inwayat ti Alternative Action for African Development (ACADA) ken ti Church World Service ti panagadal maipanggep iti kabaelan ti marunggay a mangikkat iti malnutrision kadagiti masikog ken agpaspasuso a babbai ken dagiti annakda iti abagatan a laud ti Senegal. Ditoy, natakuatanda a dimmagsen saan ketdi a limmag-an ken simmayaat ti salun-at dagiti ubbing. Napasubli met dagiti inna ti salun-atda manipud iti panagsagabada iti anemia ken dimmagsen dagiti ubbing a naiyanak ken immadu ti gatas dagiti agpaspasuso nga inna. <br/><br/>
Natakuatan ngamin a mamimpat nga ad-adu ti maala a bitamina A iti kada gramo a presko a bulong ti marunggay ngem iti kada gramo a carrots. No naibilag, maminsangapulo nga ad-adu ti maala a bitamina A iti kada gramo a bulong ti marunggay ngem iti kada gramo a carrots. Mamimpat met nga ad-adu ti maala a kalsium iti kada gramo a presko a bulong ti marunggay ngem iti kada gramo ti gatas. Ket no naibilag ti marunggay, maminsangapulo ket piton nga ad-adu ti maala a bitamina A iti kada gramo a bulong ti marunggay ngem iti kada gramo ti gatas no naibilag. Maminpito met nga ad-adu ti maala a bitamina C iti kada gramo a presko a bulong ti marunggay. <br/><br/>
Pagsayaatan pay ti naibilag a marunggay ket mabalin nga ikabil iti garapon isu a basbassit ti espasio a pagyananna. Nalaka laeng a maala no mausarmo ken saanen a kasapulan nga inka pay laeng agala iti puonna. Saanen a kasapulan pay nga agimurika. Mabalin pay nga aramiden ti napulbos a bulong ti marunggay a kas tsaa. Kinapudnona, maysa a negosiante a hapones ti nakadiskubre nga adu ti maagasan ti marunggay. Kinuna ni Mitsuo Shoji a ti tsaa a marunggay ken nabaknang iti antioxidants, amino acids, vitamins ken minerals. Kinunana pay nga adun ti mangaw-awag iti marunggay iti “miracle vegetable”. <br/><br/>
Ngem kasano kadi ti panangisagana iti napulbos a bulong ti marunggay? <br/><br/>
Ni Mrs. Manaoag T. Ojano, T2, ti nangilawlawag no kasano. Umuna, mangbilang iti lima a kalip-ak manipud iti uggot. Alaen dagiti bulong manipud iti maikanem agpababa. Ibitin dagitoy nga ibilag manipud iti alas otso agingga iti alas dies iti bigat. Dayta laeng nga oras ti nasayaat a panagibilag kadagiti bulong. Aramiden daytoy iti uneg ti agsasaruno a tallo nga aladaw. Alaen ken urnongen dagiti matnag. Ikirog daytoy nga awan mausar a manteka. Adawen inton kumersang dagiti bulong sa sagaten daytoy. Kalpasanna, pabaawan sa ikabil ti napulbos a bulong iti garapon sa kaluban. Mausar daytoy agingga iti innem a bulan uray saan a maikabil iti reprihedura. Pagsayaatan daytoy, ket maipakantayo a nagannak kadagiti ubbingtayo a madi iti bulong ti marunggay – ta saanda nga ammo a nalaokan gayam ti sidaenda iti marunggay. <br/><br/>
Naammuanmi pay a ti kulang ti marunggay ket pagpalukneg iti karne a malauya. <br/><br/>
Kalpasan ti lektiur, impakita dagiti mangisursuro ti panagaramid iti hot cake, mango shake ken sopas. Amin dagitoy ket nalaokan iti napulbos a bulong ti marunggay. Naglutoda pay iti balatong a nasagpawan iti tsitsaron a nalaokan iti marunggay. Amin dagitoy ken imparamanda kadagiti ubbing ken dagiti immataendar a nagannak. <br/><br/>
Ama, ket inimasda! <br/><br/>
Naipablaak iti Bannawag idi Abril 20, 2009<br/><br/>
<b><a href="http://dmfabito.blogspot.com">HOME</a></b>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-86854508556192869342012-02-03T00:17:00.001-08:002012-02-03T00:17:43.186-08:00PANGUARTAAN MET TI DI MAUS-USAR A PAPELKalpasan kadi ti pangaldawyo, Komari, pagpalpalpaam kadi ti agbuya iti telebision a nakailad iti sopa wenno butaka? Aysus, iti daytoy a rumigrigat latta ti panagbiag, Komari, agpanunotka ketdi iti nayon a pamastrekam. Kayatko a sawen, nupay agbuybuyaka iti “Wowowee” wenno “Eat Bulaga”, adda koma ob-obraen dagita imam. Kas iti dadduma a lallakay iti kailokuan a pagpalpalpaanda ti agaramid iti alat, baki, pagsagatan a kawayan, ken balingato. Wenno kas met iti dadduma nga inna a pagpalpalpaanda ti agkayas iti bulong ti niog nga aramiden ken ilakoda a kas kaykay wenno sagad. <br/><br/>
Adu dagiti maaramidmo, Komari, ngem padasem man ti inaramid ‘toy dati a gelprenko – ta asawak itan, No kastan a malpaskami a mangan ken makainnawen wenno awanen ti ubraenna ken mairubbuatanna dagiti ubbingmi a mapan eskuela, iruarnan dagiti usarenna nga agaramid iti papel a flower vase wenno plorera: papel ken kartib. <br/><br/>
Kastoy ti aramidem, Komari: Mangkartibka iti adu a papel a di maus-usar. Uno por tres pulgada ti rukod ti kada maysa a piraso. Kulpien iti paatiddog ti maysa a piraso. Kulpien manen iti tengnga ti umuna a nakakulpianna tapno agbalin a kuntirad. Kulpien manen dagiti agsumbangir a baba ti kuntirad tapno agbalin a tallo a kuntirad. Kulpien manen nga ipangato manipud iti tirad iti kanawan agingga iti tirad iti kanigid tapno agbalin a trianggulo. Kulpien manen manipud iti tirad iti ngato agingga iti tengga iti baba tapno agbalin a bassit a trianggulo. Agaramidka iti adu a trianggulo, Komari. <br/><br/>
Makita nga iti maysa nga iking ti trianggulo ket adda dua nga abut. Adda met dua a kuntirad ti nakulpi a trianggulo. Ita, pagabayen ti dua a trianggulo sa isulbong ti dua a kuntirad ti maikatlo a trianggulo iti dua nga akintengga nga abut. Kasta a kasta agingga nga agtimbukel depende iti kayat a kalukmeg ti flower vase nga aramiden. Sulbongan iti dadduma pay a trianggulo tapno tumayag, Komari. Mabalin met nga ikkan iti dadduma a disenio (kitaen dagiti dadduma a ladawan). Ikkan iti napuskol a papel iti sirok ti flower vase. Barnisan inton malpas, Komari, tapno tumibker. <br/><br/>
Presto! Addan flower vasemo a naaramid iti papel, Komari. Saan laeng a dayta ti mabalinmo nga aramiden, Komari. Mabalinmo pay ti agaramid iti pagidissuan iti selpon, wenno pagyanan iti bolpen, lapis, stapler wenno kartib. Mabalinmo nga ilako ti flower vase nga agtayag iti pito pulgada iti sangagasut a pisos wenno nasursurok. Di kad’ addan sangakilo a tilapia wenno kabalias, Komari. Ket no nagbuybuyaka la iti tv a nakatugaw, awan dayta a sidayo. <br/><br/>
No kayatmo met ‘tay bukodmo a disenio ti marisna gumatangka iti spray paint nga usarem. Agduduma ti marisna no isu ti kayatmo. Apaman a bumaybayag masursuromton ti agaramid iti nadumaduma a porma ti flower vase. Ket wen, no makaaramidka iti agtayag iti innem a kadapan a flower vase a naaramid iti papel, amangan no mairamankanto iti Guiness Book of World Records, Komari. <br/><br/>
Ala, wen, bay-amon dayta a Ginis. No makaaramidka iti pagsidsiddaawan dagiti makakita, madika pay? Ket gapu laeng dayta iti di maus-usar a papel! - 0<br/><br/>
Naipablaak iti Bannawag idi Pebrero 22, 2010<br/><br/>
<a href="http://dmfabito.blogspot.com">MAIN PAGE</a>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-74073667848634624352012-02-03T00:04:00.000-08:002012-02-03T00:04:28.744-08:00AGTARAKENTAYO MAN MET ITI UDANG<b>Da JOBERT MA. PACNIS ken DEXTER MARIN FABITO</b>
<br/><br/>
<i>Awan pay ti nagtaraken iti udang iti danum-tamnay iti probinsia ti apayao. Impadasna. Ket nagballigi…</i> <br/><br/>
<div class="separator" style="clear: both; text-align: center;">
<a href="http://4.bp.blogspot.com/-3We-vS_vqHc/TrIePOd_3iI/AAAAAAAAAJc/TaTi3FF_x0E/s1600/222375_1793845603689_1166148120_31658948_7462088_n.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://4.bp.blogspot.com/-3We-vS_vqHc/TrIePOd_3iI/AAAAAAAAAJc/TaTi3FF_x0E/s200/222375_1793845603689_1166148120_31658948_7462088_n.jpg" /></a></div> <br/><br/>
NAPINTAS met a panguartaan ti panagtaraken iti udang. <br/><br/>
Paneknekan daytoy ni Apo Ernesto P. Juan ti Brgy. Lappa, Luna, Apayao. <br/><br/>
Naisema nadanonmi ni ‘Tang Erning iti pagtaenganda iti dayta a malem ti Marso 21 iti panangkuyog kadakami ni Engr. Joni Aldrin E. Caluya ti Brgy. Zumuigi, Luna, apayao. Kas kuna ni ‘Tang Erning, kapampanaw la unay dagiti opisial ti ili iti panangidaulo ni Mayor Betty C. Verzola a nangsaksi iti panangkalapna kadagiti udang a tinarakenna iti arsadanan ti bantay. <br/><br/>
Kasta unay kano ti panangdayaw dagiti dimmar-ay iti pasken nga inawaganda iti Udang Festival kadagiti tarakenna. Naimas ken nasarangsang ti lasag dagiti udang. Napulada pay. Naiduma la unay ti nanamda. <br/><br/>
<div class="separator" style="clear: both; text-align: center;">
<a href="http://3.bp.blogspot.com/-a5aJHT5yJKw/TrIeaCFuUwI/AAAAAAAAAJo/d8vjpikHUI0/s1600/230752_1793828123252_1166148120_31658925_7422608_n.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://3.bp.blogspot.com/-a5aJHT5yJKw/TrIeaCFuUwI/AAAAAAAAAJo/d8vjpikHUI0/s200/230752_1793828123252_1166148120_31658925_7422608_n.jpg" /></a></div>
Tapno mapaneknekanmi, nagkalap ni ‘Tang Erning iti sangakilo ket pinaramanannakami met. Kunam pay, nagkakamakamen ti tig-abmi. <br/><br/>
Ania ti sikreto ni ‘Tang Erning iti naidumduma la unay a raman ti udangna a padpadakkelenna iti danum-tamnay? <br/><br/>
Kas kunana, kaaduanna nga organiko ti pagpakanna. Mapan kano laeng a 25 porsiento ti komersial a pagpakan ti impakanna kadagiti tarakenna agingga a kinalapna dagitoy. <br/><br/>
Kaaduanna a nalingta a bagas ti galiang, ‘tay higante nga aba nga espesialtida idiay Bikol Region a pagaramid iti bibingka, ti pagpakpakan ni ‘Tang Erning. Nayonanna iti nategteg a niog ken napapino a bisukol Taiwan wenno ‘tay kasursurontayo a glden kuhol. <br/><br/>
Naduktalan ni ‘Tang Erning a nalaka a dumakkel dagiti udang a mapakan kadagiti organiko. Iti uneg ti lima a bulan, mabalinen ti agkalap. Gapu ta damona a serken ti kastoy, kadagiti 1,300 a post larvae (PL) a nangrugianna, mapan laeng a 900 dagiti nabiag. Naggapu ngamin dagitoy idiay Siudad ti Dagupan, Pangasinan. Nayeroplano isu a nangina ti kada PL. <br/><br/>
Iti kadakkel ti nagbalinan dagiti udang, mapan laeng a 20-23 a bukel ti mangubkel iti sangakilo. Ilaklakona met iti P500 ti kada kilo. Nupay adu ti natay kadagiti semilia, naabrot met latta ni ‘Tang Erning ti nagastona ket adda pay dimket a para iti pamiliana. <br/><br/>
<div class="separator" style="clear: both; text-align: center;">
<a href="http://2.bp.blogspot.com/-viBa79ee1C4/TrIehBlZYzI/AAAAAAAAAJ0/WHC1fnM3Cko/s1600/230752_1793828163253_1166148120_31658926_4499343_n.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://2.bp.blogspot.com/-viBa79ee1C4/TrIehBlZYzI/AAAAAAAAAJ0/WHC1fnM3Cko/s200/230752_1793828163253_1166148120_31658926_4499343_n.jpg" /></a></div>
Gapu ta adayo unay ti pagtaudan dagiti semilia, napanunot ni ‘Tang Erning nga agpatanor laengen kadagiti bukodna a semilia. Manamnama a dagitoy ti sumaruno a padakkelenna. Adun dagiti nakitami a semiliana. <br/><br/>
Maysa pay kadagiti sekreto ni ‘Tang Erning ti panangisaganana iti pagtaraknanna. Sakbay a punnuenna iti danum (nga agtaud iti ubbog iti bantay) ti pagtaraknanna, basalanna daytoy iti vermicast, puro a takki dagiti alinta a bukodna a taraken. Palangtuen daytoy dagiti lumot a taraonto dagiti tarakenna. Nupay natural dagiti aerator nga us-usarenna, regular latta met ti panangsukatna iti danum ti piskeria tapno manamnama ti kinadalus daytoy. <br/><br/>
Saan laeng nga udang ti taraken ni ‘Tang Erning. Rinibu met dagiti ikan a panggasios ken tilapiana. No ania ti kanen dagiti udang, isu met ti kanen dagitoy, kas iti udang, napardas met ti panagdakkel dagiti tilapia ken panggasios. Ilaklako ni ‘Tang Erning iti P120 ti tunggal kilo dagiti tilapiana; P150 met ti panggasios. Dakkel ti mapastrek ni ‘Tang Erning ditoy ta nasurok a sangakilo ti pagbalinan ti pagbalinan ti maysa sakbay nga ilakona. <br/><br/>
Agtartaraken pay ni ‘Tang Erning iti baboy ken sabali laeng ti nalawa a kataltalonan iti abay dagiti piskeriana. Idinto nga aglawa iti 12 ektaria ti minulaanna iti 4,000 a niog nga iti uneg ti 5 agingga iti 6 a tawen, agbungadanton. Agtallo tawenen dagitoy. <br/><br/>
Organiko pay a ganagan ti us-usaren ni ‘Tang Erning kadagiti pagayna. Paglalaokenna ti maysa kilo a vermicast, 4 litro a danum ken sangakilo a nalabaga nga asukar. Lutuenna daytoy sakbay a yaplikarna iti talon. Nagbaludbod dagiti pagayna nga inaplayanna itoy a pormula. Makabulan laengen, agpagapaston.
Kasano a nastrek ni ‘Tang Erning ti panagtaraken iti udang? <br/><br/>
Saan nga agpatpatingga ni ‘Tang Erning nga agpampanunot iti panangpabaknangna iti daga a nabakirna. Ket idi maammuanna nga adda maangay a seminar iti panagtaraken ti udang, saanen a nagpamayan a nagatendar. Napan pay idiay BFAR Aparri tapno laeng maadalna titeknolohia. Sinuportaran ti gobierno municipal ti ilida ket naysuat ti addang, a damo iti entero a probinsia no di man iti sibubukel a Cordillera Administrative Region, a panagtaraken iti udang iti danum-tamnay. Adda pangngadua idi ni ‘Tang Erning iti daytoy. Ngem kas nakunana, awan emt ngata ti dakesna no padasenna. <br/><br/>
Ket nagballigi. <br/><br/>
Naadal met ni ‘Tang Erning ti panagtaraken iti alinta iti seminar nga insayangkat ti local a gobierno ti Luna, iti pannakitinnulong ti ApayaoState College . Ni Dr. Herbert Imatung, Dean ti College of Agriculture ti kalinga State University , ti nanglektiur iti nasao a seminar. <br/><br/>
Ita, di latta agpatpatingga ni ‘Tang Erning a mangpampanunot no kasano a mapasayaatna pay ti biagda a sangapamilia; iti kasta, maiturposto met laeng ti inaunaanda ti kursona a Forestry. <br/><br/>
<div class="separator" style="clear: both; text-align: center;">
<a href="http://3.bp.blogspot.com/-k-JBkpFBj1c/TrIeqHsWk9I/AAAAAAAAAKA/xfbH8_pX5MI/s1600/230752_1793828243255_1166148120_31658928_3063841_n.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://3.bp.blogspot.com/-k-JBkpFBj1c/TrIeqHsWk9I/AAAAAAAAAKA/xfbH8_pX5MI/s200/230752_1793828243255_1166148120_31658928_3063841_n.jpg" /></a></div>
Ni dati nga Eleanor Olivas ti kaingungot ni ‘Tang Erning. Ni Oliver ti inaunaan a bungada; sumaruno ni Novel Mar, second year iti haiskul; buridek ni Ernesto Jr., Grade IV. <br/><br/>
<i>Naipablaak iti Bannawag</i> <br/><br/>
<a href="http://dmfabito.blogspot.com">MAIN PAGE<b></b></a>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-19555504846554426002012-02-02T23:54:00.000-08:002012-02-02T23:55:41.807-08:00PANAGARAMID ITI SABON TI NAGPUONANNA (KOJICK SOAP)<b>Da JOBERT MA. PACNIS ken <a href="http://www.facebook.com/profile.php?id=1166148120">DEXTER MARIN FABITO</a></b> <br/><br/>
<i>Empleado idi ngem kinaykayatnan ti nagbukbukod. Ket saan a nagbabawi…</i> <br/><br/>
MAYSA nga electrical engineer (nagturpos iti Technological Institute of the Philippines idi 1991 ken nairuarna a dagus ti eksamen iti board), nagtrabaho ni Joni Aldrin E. Caluya ti Brgy. Zumuigi, Luna, Apayao a kas missionary social worker. Naidestino iti Kamaynilaan sa iti Siudad ti Baguio . Insursuroda kadagiti tattao ti panagaramid iti sabon.<br/><br/>
<div class="separator" style="clear: both; text-align: center;">
<a href="http://3.bp.blogspot.com/-qZESQSQHlw4/TrNdByQWOcI/AAAAAAAAAKM/-VKtdRKqcUQ/s1600/DSC06073.JPG" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://3.bp.blogspot.com/-qZESQSQHlw4/TrNdByQWOcI/AAAAAAAAAKM/-VKtdRKqcUQ/s200/DSC06073.JPG" /></a></div>
<br/><br/>
Wen, sabon. Kasla saan sa man a maiparbeng iti inadal ni Joni, ania?<br/><br/>
Ngem daytoy a tay-ak ti makuna a nagrubuatan ti kunana a makapneken a biagna. Ta no empleado laeng idi, isu itan ti boss ti bukodna a bagi. <br/><br/>
Kastoy ti napasamak. <br/><br/>
Kalpasan ti sangapulo a tawen ni Joni a kas missionary worker—ken idi ammona mainen a trabaho maipanggep iti panagaramid iti sabon, panagipakete ken panagilako, inkeddengnan ti naglusulos iti trabahona tapno sumrek metten itoy a tay-ak: ti panagaramid iti sabon. Ngem daytay naidumduma a sabon.<br/><br/>
Nagawid ngarud iti ilina. Rinugianna a dagus ti nagsukisok kadagiti kayo ken lanut nga agkaiwara kadagiti kabambantayan iti ilida. Addada dagiti naduktalanna a nasamay nga anti-fungal, anti-bacteria ken anti-virus.<br/><br/>
Idi mapneken kadagiti sukisokna, rinugiannan ti nagaramid iti sabon a rinamenanna kadagiti inadalna a lanlanut ken kayo yantangay eksperton itoy a negosio. Kabadangna ti kaingungotna, ni dati a Cecilia Idaman a nagturpos iti Bachelor of Science in Commerce, Major in Accounting. <br/><br/>
Idi damo, marigatanda nga agassawa a mangilako iti produktoda. Nupay kasta, inanusanda ti nangipakaammo iti produktoda a Kojick Facial Soap kadagiti nadumaduma nga ili. In-inut, immadu ti order—saan laeng nga iti apayao—ngem pati kadagiti probinsia ti Cagayan ken Ilocos Norte. Ken uray pay iti ballasiw-taaw. <br/><br/>
Maragsakan kadagiti maaw-awatna a komento kadagiti nakapadasen iti produktona. Pudno kano a makaikkat iti kuto ken makapalinis iti kudil. Sabali laeng dagiti nangipadas iti ayup; kangrunaan iti aso ken baboy, ket naagasan met ti sakit ti kudil dagitoy.<br/><br/>
Iti Luna, nalatak ti estoria ti maysa a kosinero itipagbaludan a napaimbag ti sakitna iti kudil gapu iti panagaramatna iti Kojick. Dati, nakaabungot no kasta nga agluto iti kanen dagiti balud. Ken arig dimo makita ti kudilna ta naabbongan dagitoy gapu ta makaariek a kitkitaen. Ngem idi napadasnan ti Kojick, naawanen a namimpinsan. Nakapawad ken nakasando itan nga agpagnapagna ta napukaen daydi ibainna la unay a sakit ti kudilna.<br/><br/>
Gapu iti idadakkel ti order, padpadakkelen ita ni Joni ti produksionna. Nakaaramid payen iti dadakkel nga urmaanna iti sabon. Ken kabarbaro a cutter wenno pagputed kadagiti sabon. Bukodna met a disenio ti mixer wenno pagkiwar kadagiti aramidenna a sabon.<br/><br/>
Malaksid iti pamiliana, adda metten dua a regular a para Alana kadagiti makaagas a lanut ken kayo.<br/><br/>
<i>Simrek Pay iti Agrikultura<i></i></i><br/><br/>
<div class="separator" style="clear: both; text-align: center;">
<a href="http://4.bp.blogspot.com/-79OYClISXQA/TrNgvYWRF5I/AAAAAAAAAKY/YzYar8K9jxA/s1600/DSC06076.JPG" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://4.bp.blogspot.com/-79OYClISXQA/TrNgvYWRF5I/AAAAAAAAAKY/YzYar8K9jxA/s200/DSC06076.JPG" /></a></div>
<br/><br/>
Adu pay ti taraken ni Joni a vermiworm. Aglaklako ita iti vermicast (puro a takki dagiti alinta) iti P250 ti sangakilo idinto a P15 laeng ti vermicompost (napaglaok a takki ken nagrupsa a bulbulong). Ti vermicast, malaksida ganagan, napaneknekan payen a napigsa a mangpaksiat kadagiti tungro iti pinagayan.<br/><br/>
Ken aglaklako payen iti vermiworm. P4,000-P5,000 ti sangakilo.<br/><br/>
Kastoy man ti simple a panangsiaganana tapno makaaramid iti vermicast:<br/><br/>
Iti 5m x 2.5m x 1ft. a bed wenno array a nadataran iti semento, paglalaokenna dagitoy: apagkatlo a rugit ti ayup, apagkatlo a natadtad a bulbulong wenno garami ken apagkatlo a natadtad a bulong wenno pinuon ti saba. Sa ikabil ti sangakilo a vermiworm. Iti uneg ti makabulan, mabalinen iti agapit iti vermicompost.<br/><br/>
Impakitana kadakami ti partuatna a paggiling (shredder) iti garami. Aglaon daytoy iti limapulo kilo iti kada karga.<br/><br/>
Dagiti inna a vermiworm, agitlogda maminsan iti kada dua lawas. Lima nga alinta ti pagbalinan ti maysa nga itlog. Nalaka ngarud ti panagadu dagitoy. Kayatna a sawen, ad-adunto metten a vermicast ken vermicompost ti maparnuay. Ket kuarta daytan.<br/><br/>
“Agaramidak pay iti ad-adu a bed tapno maguantaak ti adu a panagkasapulan iti vermicast ken vermicompost,” kinunana.<br/><br/>
Adda pay naduktalanna a kayo a nasamay a katulongan dagiti adda parikutna iti kinalalakina—dagiti saanen nga agsaludo a kunada. Ilaklakona daytoy iti uppat a ribu a pesos ti sangakilo. Maysa a ganggannaet ti gimmatang iti sangapulo kilo kenkuana itay nabiit. I-tea-bag ken ikapsulana kano dagitoy. Adun ti nakapadas ket pudno kano a nasamay. Awan pay side effect-na. dakkel pay ti maitulongna iti panagbaba ti sugar level. Paganaygayenna (arigna nagbitaminaka) ti agaramat. Dalusanna ti barado nga urat a pakaigapuan ti atake iti puso. Ken nasamay pay a pangikkat iti ang-angin iti tian.<br/><br/>
Kitkitaen pay ita ni Joni ti kinaepektibo ti napakersang ken napapino a vermiworm kas katulongan met laeng dagiti adda parikutda iti kinalalakida. Addadan dagiti kalugaranda a nangpadas ket kunada a nasamay.<br/><br/>
<i>Bayluscide Tree</i><br/><br/>
<div class="separator" style="clear: both; text-align: center;">
<a href="http://1.bp.blogspot.com/-oIBVpq8id80/TrNhuplxPoI/AAAAAAAAAKk/R7YzuW_KWaQ/s1600/DSC06074.JPG" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://1.bp.blogspot.com/-oIBVpq8id80/TrNhuplxPoI/AAAAAAAAAKk/R7YzuW_KWaQ/s200/DSC06074.JPG" /></a></div>
<br/><br/>
Adu pay dagitipatubo ni Joni a bayluscide tree a naggapu pay iti sabali a pagilian. Ilaklakona daytoy iti P500 ti sangapuon. Iti isasarungkarmi kenkuana, kagatgatang ti 60 a kapuon. Yur-urayna manen dagiti inorderna pay iti sabali a pagilian a patubuenna a bukel. <br/><br/>
Ania ngamin, aya, dagitoy a kayo ta kasta la unayen tinginana ti tunggal maysa? <br/><br/>
Maus-usar daytoy a pangpaksiat kadagiti bisukol itipinagayan. Mangala laeng kadagiti bulong ket tadtaden nga iwaras daytoy iti kataltalonan a maysa pulgada ti kangato ti danumna. Mayaplay daytoy uray agtudtudo wenno agin-init. Umabot iti makalawas ti epektona. <br/><br/>
Dakkel ngarud a katulongan saan laeng nga iti aglawlaw—ta saan a makaapekto iti nakaparsuaan—ken kasta met kadagiti mannalon. Saandan a madangran kadagiti kemikal a pagpasuyot. Nain-inut pay. <br/><br/>
<div class="separator" style="clear: both; text-align: center;">
<a href="http://3.bp.blogspot.com/-0xzcfh7ZXbY/TrNi1yDS1II/AAAAAAAAAKw/BaB4RqJgq7o/s1600/3.JPG" imageanchor="1" style="clear:left; float:left;margin-right:1em; margin-bottom:1em"><img border="0" height="150" width="200" src="http://3.bp.blogspot.com/-0xzcfh7ZXbY/TrNi1yDS1II/AAAAAAAAAKw/BaB4RqJgq7o/s200/3.JPG" /></a></div>
<br/><br/>
Adu pay ti patubo ni Joni nga apatot. Panggepna ti agaramidto iti noni juice a naglatak kadagiti napalpalabas a tawen. <br/><br/>
<i>Naipablaak iti Bannawag, Setiembre 19, 2011</i><br/><br/>
<a href="http://dmfabito.blogspot.com"> MAIN PAGE</a>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-49853772753208501652007-06-02T23:29:00.000-07:002012-02-07T22:00:13.824-08:00Convention Field Trip Daytoyen, ‘Giem (Suso Beach)SAANAK a nagbabawi iti iyaatendarko iti kombension a naangay iti Suso Beach, Santa Maria, Ilocos Sur itay napan a tawen gapu iti agdindinamag a baybayna. Kangrunaanna, ti pannakakitak ken pannakalamanok ken ni dati a First Lady Imelda Marcos! Kasta met a nakitak ni Gob. Chavit Singson. Dayta, impadamagko manen kadagiti kakabsatko. <br/><br />
<div class="separator" style="clear: both; text-align: center;">
<a href="http://3.bp.blogspot.com/-RvtRc2otbnQ/TzINJlS0QmI/AAAAAAAAAP4/1T_4Ha-Im0Q/s1600/scan0029.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="291" width="400" src="http://3.bp.blogspot.com/-RvtRc2otbnQ/TzINJlS0QmI/AAAAAAAAAP4/1T_4Ha-Im0Q/s400/scan0029.jpg" /></a></div>
<br/><br />
Bigat ti maudi nga aldaw ti kombension, naglugankami iti traysikel kada Apo Raquelito Cenal ken Apo Lakay Fabian tapno mangankami idiay sentro. Sabali met a traysikel ti nagluganan da Apo Tony Urata ken Apo Teody. Ti dakesna naudi ti naglugananmi ket saanmin a nasurotan da Apo Teody. Ngem pagsiaatanna, dimsaagkami idi makitami ti nagdakkel ken kadaanan a simbaan a maysa a heritage site ti Santa Maria. Adtoy manen, kinunkunak iti unegko a ti panagpasiarmi ti kayatko a sawen. Kasla nailasagmi ngaminen ken Apo Lakay Fabian ti agpasiar no umatendarkami iti kombension. Iti pay laeng igid ti kalsada a babaen ti simbaan agkaragilapen ti kamerami. <br/><br />
Iti pay abay ti kampanario. Anian ta nagdaeg ti simbaanda! <br/><br />
Idi lumaksidkamin iti simbaan kalpasan a nalawlawmi, apagisu met a makitami ti barito a katulongan ngata iti simbaan. Nakisaritakami a sirpatenmi la bassit ti uneg ti simbaan ket yamanenmi unay ta pinatgannakami. Di kam’ pay napnek ket inulimi ti kampanario. Permi ti ragsakmi nangruna ken ni Apo Raquelito idi aggilap manen ti kamerami. Nagragsak gayam ti maki-convention fieldtrip, kinunana. Damdamona ngamin ti umatendar. Saan la a naragsak, nakaragragsak, insungbatmi met. Agasem, taga-Cagayankami ket naulimi ti kampanario ti maysa a dakkel a simbaan ti Santa Maria, ‘Giem! <br/><br />
Iti malem, aglugankami koman iti bus a naglugananmi nga immatendar idi awisennakami ni Apo Bokal Vilmer Viloria nga aglugan iti kotsena. Ti ammomi kada Raquelito ken Apo Lakay Fabian ket sumarunokami met laeng iti bus isu a simmurotkami kadakuada. Anta gayam, napankami idiay Caoayan, Ilocos Sur, iti pagtaengan da Apo Edwin Querubin a kasinsin kano ni Apo Bokal. Ditoy a pinangrabiinakami iti resthousena. Kaduami da Apo Gladys Menor, Apo Editor Diony Bulong ken da Apo Teddy Molina ken dadduma pay. Nagganas man ti agdalupisak kadagiti nagdadakkel a bato iti paraangan ti resthouse idinto nga im-imatangam ti iruruar ti naubing pay ken nalabaga nga init iti adayo a paset ti agan-anasaas a baybay.Kabigatanna, napalaus ti ragsakmi idi impasiarnakami ni Apo Querubin iti Baluarte ni Apo Gobernador Luis ‘Chavit’ Singson. Saanen a kombension daytoy, kinunkunami. Field Tripen! Ngem, gapu daytoy iti kombension! <br/><br />
Kalpasanna, impasiarnakami iti pagtaengan ni Apo Teddy Molina. Impasiarnakami met ni Apo Molina iti Siudad ti Vigan. Agasem, nangankami pay iti agdindinamag a Flores de Mayo! Ken linawlawmi pay dagiti kadaanan nga estraktura ti Vigan. <br/><br />
Manen, napanunotko a no diak immatendar iti kombension diak koma nakita dagitoy, Kapid! <br/><br />
ITAY Disiembre a pannakaipabuya ti Panday iti telebision, namin-adu a miningmingak ti ladawanmi idiay simbaan ti Santa Maria. Isu! Kinunkunak. Saanak pay la a napnek ket basta mangrugin a maipabuya, alaek metten ti ladawanmi tapno ikomparak. Ket isu a talaga ti simbaan ken ti kampanario nga inulimi, ‘Giem! Kampanario a nakaitugkelan ti espada ni Panday! Dayta, impadpadamagko kadagiti kakabsatko ken kadagiti kalugarak! Gapu dayta iti kombension ti GUMIL kinunkunak!Kitaem la a talaga ti gasgasattayo, kinuna met ni Apo Lakay Fabian a nangiruar iti kape idi napanmi pinasiar ken Apo Cenal iti dormitorio ti CSU Sanchez Mira.Gapu dayta iti convention field trip ti GUMIL, arig naggiddan a kinunami ken ni Apo Cenal. <br/><br />
Wen, ‘Giem, naragsak a talaga ti makikombension! Ita, pampanunotek, dakkel nga utangko daytoy iti GUMIL! <br/><br />Dexter Marin Fabitohttp://www.blogger.com/profile/03366859294088895342noreply@blogger.com1tag:blogger.com,1999:blog-106370308321480655.post-89141469675790880742007-06-02T23:27:00.000-07:002007-06-02T23:29:24.843-07:00Convention Field Trip Daytoyen, ‘Giem (Viva Intramuros!)NO DIAK koma immatendar iti kombension idi 2004 sadiay Intramuros, Manila, adayo koma a digo a nakitak ti Walled City! Malagipko ti ipupuslitmi kada Apo Virgilio Naungayan, Apo Danilo Antalan, ti grupo ti Gumil Isabela, ken ni Apo Lakay Fabian a nagbalin a guidemi, iti daydi a bigat sakbay a mangrugi ti programa. <br /> Diak naaluadan ti nangi-send iti message kadagiti kakabsatko idiay California idi rumuarkami iti museum ni Rizal gapu iti ragsakko. Wen, nakitak dagiti Obra Maestra ni Rizal, dagiti inus-usarna ken dagiti tugotna sakbayda a pinaltogan, ‘Giem! <br /> Linawlawmi pay ti pader ket ditoy a nakitami dagiti kanyon, a batonlagip kadagidi bannuartayo a nangibuis ti biagda a nangsalaknib iti pagiliantayo. <br /> Nakitami pay ti pasdek ti Manila Bulletin ket nagestoria ni Mang Rodel Ramos ti panagubrana sadiay. Naglugankami pay iti kalesa. <br /> Agasem, naserrekko pay ti National Press Club, ‘Giem! Sadiay ngamin ti nakaangayan ti kombension. Ditoy pay a nakitak dagiti staff ti Bannawag kas kada Apo Prodie Gar. Padios, Apo Cles B. Rambaud ken Apo Juan Al. Asuncion (sakbay ti kombension idi 2003, nakitakon ni Apo Editor Diony Bulong iti maysa a seminar idiay Gattaran, Cagayan). <br /> Manen, iti yaawidko idi iti Cagayan, nagbati ditoy panunotko a ti kombension ti gapu no apay a napasiarko dagitoy! Adu manen a kapadasan ti nainayon kaniak! <br /> (adda tuloyna)Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-55879595374166766542007-06-02T01:15:00.000-07:002012-02-07T22:28:57.254-08:00Convention Field Trip Daytoyen, ‘Giem (Callao Caves)(Naukagak daytoy idi rabii kadagiti files ti computerko ket adtoy ita nga innak iburay kenka, 'Giem. Anusamon nupay nabayag bassiten a napasamak daytoy.)<br/><br/>
No tumapogen ti bulan ti Marso, agsagsaganan ni mannurat iti yaatendarna iti tinawen a kombension ti Gumil Filipinas, Gunglo dagiti Mannurat nga Ilokano iti Filipinas, a kadawyan a maangay iti bulan ti Abril. No kasano ti regget dagiti damona ti agatendar, kasta met ti gagar dagiti kada tsapter nga umatendar sadino man ti pakaangayan ti kombension. Maganatan metten dagiti nakisalip, iti sarita, salaysay wenno daniw, a mannurat a makaammo iti resulta ti pasalip a nangilabananda iti gapuananda. Apaman a maammuan ti resulta dagiti pasalip, no mabalbalin koma, pikarenen dagiti nangabak ti panagtulid ti aldaw tapno umawatdan iti plake wenno sertipiko ken kuarta manipud kadagiti naayat ken di mauma a mangsupsuporta iti irarang-ay ti Literatura Ilokana babaen ti panagpasalipda. Kasta met dagiti mannurat nga adda mailako a libro. <br/><br/>
<div class="separator" style="clear: both; text-align: center;">
<a href="http://2.bp.blogspot.com/-fgXWIAj57b8/TzIQBHth76I/AAAAAAAAAQE/5uaGfofVCQo/s1600/callao%2Bcaves.JPG" imageanchor="1" style="clear:left; float:left;margin-right:1em; margin-bottom:1em"><img border="0" height="115" width="150" src="http://2.bp.blogspot.com/-fgXWIAj57b8/TzIQBHth76I/AAAAAAAAAQE/5uaGfofVCQo/s400/callao%2Bcaves.JPG" /></a></div>
<br/>
Maysa pay a gapu no apay a maganatan dagiti mannurat nga umatendar iti kombension ket tapno makapagiinniliwda iti tunggal maysa. Kasta met a tapno makasakdoda manen iti adal manipud kadagiti lecturers ken kadagiti makapatangda. Saan met a mailaksid ti panagpasiarda iti ruar ti kombension aglalo no dida pay nakapan iti dayta nga ili.<br/><br/>
Kaniak a biang, dua laeng idi ti rason no apay a nagatendarak idi iti maika – 35 a kombension. Umuna, tapno makita ken maalamanok dagiti pagrukbabak a mannurat. Maikadua, tapno makapasiarak iti dayta a lugar.<br/><br/>
Wen, nabayagen a kayatko idi ti umatendar iti kombension tapno makitak met dagiti agkakapintas a lugar a pakaang-angayan ti kombension. Agkakapintas kunak ta kalpasan ti dua wenno tallo a lawas rumuaren ti resulta ti kombension iti bannawag. Ngem saan a natultuloy gapu iti adu a rason. Isu’t gapuna nga idi maammuak iti Bannawag nga iti Callao Caves, Penablanca, Cagayan ti pakaangayan ti maika – 35 a kombension, kinunak iti bagik a masapul nga umatendarak! Makitak met laengen ti maipagpanpannakkel ti probinsiami a Cagayan, ti Callao Caves, kasta met dagiti pagraemak a mannurat.<br/><br/>
Kaasi ti Apo ket nakaatendarak. Nagkuyogkami ken ni Apo Freddie “Lakay Fabian” Masuli nga immatendar. Diak pulos malipatan daydi panagbuyami kadagiti panniki nga agsangpet iti agsapa ken tumalaw iti agsipnget. Ti panagisaraksarak da Apo Jobert “Teody” Pacnis, Apo Freddie Masuli ken dadduma a mannurat iti signal ti selponda iti nangato a paset ti lugar. Ti panagulimi iti nasurok dua gasut a pangal tapno magtengmi ti kueba ken ti panagluganmi iti barangay a napan idiay Mauroran. Ti panagserreserrekmi kadagiti kueba. Dagiti met dadduma, napanda simmuknal ken ni Apo Baket ti Piat iti maudi nga aldaw ti kombension.<br/><br/>
Iti panagawidmi, napampanunotko a karkardayo koma a nakita ken nalamanok ni Apo Carlos Padilla, Jr. ken nakapanak iti Callao Caves no awan kombension!<br/><br/>Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-9497896358452527262007-05-25T21:25:00.000-07:002007-05-25T21:27:47.309-07:00BIERNES TRESE IDIAY GUMILSalaysay ni Raquelito B. Cenal<br /> <br /> ABRIL 13, 2007. BIERNES.<br /> Gagangay nga aldaw ti panagriknak iti dayta a petsa, ‘Insin, ta saanko a napampanunot a dagus a dayta nga aldaw ket Biernes Trese a kunada. Adu ti agkunkuna, ‘Insin a malas ti kasta nga aldaw, ngem mamati kadi met?<br /> Siak man ti dandani namati a talaga a malas dayta nga aldaw, ‘Insin, idi maturogakon iti dayta a rabii a napanunotko dagitoy a napasamak kaniak iti dayta a nagmalem. Dumngegka . ‘Insin, ta estoriaek…<br /> AMMOM met siguron, ‘Insin, a dayta nga aldaw ti panangrugi ti maika-39 a Kombension Nasional ken Literary Seminar ti GUMIL Filipinas a naangay idiay Currimao, Ilocos Norte. Nagtulagkami babaen iti text ken kumpad Freddie Masuli) a dagasenmi ida kada Kumpad Roy Aragon) ken Mang Jaime Oandasan) nga imian idiay dagusda iti Cagayan State University-Sanchez Mira Compound (CSU-SM). Naggapu ngamin ni Kumpad Roy idiay Tuguegarao City ket iti met Sta. Teresita ken Mang Jaime.<br /> Ti tulagmi, ‘Insin, aglugankami (kaduak ni Rose Ann, ti buridekmi nga agpa-Badoc met) iti bus nga agpa-Claveria a pangdagasanmi kada Board Member Vilmer Viloria ken Manang Ena a baketna tapno makilugankami kadakuada.<br /> KET adtoy ti umuna a kinamalas, ‘Insin:<br /> Iti nasurok a maysa nga oras a panaguraymi nga agkabsat, saanmi met la maurayen daytay bus a nagtulaganmi a pagluganan. Diak met ngarud makontak ni Kumpad Freddie tapno ipakaammok koma nga aglugankam’ lattan iti sabalui a bus. Adu a text ti naipatulodko, ‘Insin, ngem kasla naisalatda amin kadagiti bulbulong ti kayo ta awan pulos ti naurayko a text backna kaniak.<br /> Nagdesisionak ngarud, ‘Insin, nga aglugankam’ lattan iti diep a mapan idiay CSU tapno nasigsigurado nga agkakalugankam’ met lang.<br /> Nadanonmi idan a tallo nga ugur-uray idiay waiting shed iti sango ti pagadalan, ‘Insin ket naammuak idi agangay nga awan load ni Kumpad Freddie ken imbatina ‘diay selponna kenni baketna isu a di nagte-text kaniak.<br /> Nagdiepkami manen a nagpa-Claveria. Dinagasmi met ni Ira, estudiantek iti Sanchez Mira National High School a pangisuruak, a kaduami pay a makigumil. Innemkami ngarud a nakilugan iti Revo ni Boss Vilmer (nasinged nga awagko ken BM Vilmer Viloria).<br /> DAYTOY met ti maikadua a kinamalas, ‘Insin:<br /> Mayat met ti kondisionmi a nagrubuat, ‘Insin, ta malaksid a nalawa iti lugan pinagkapenakami pay nga immuna ni Boss sakbay a naglugankami ngem idi dumanonkami idiay Patapat, Pagudpud, in-inut a naulawkami (Freddie, Roy, Jaime, ken siak). Napalalo a kantiaw dagidiay babbai a kaduami, ‘Insin, (Rose Ann, Ira, ken Manang Ena). Kapilitan nga insardeng ni Boss ti lugan idi dumanonkami idiay Bangui Viewdeck a pakatan-awam, ‘Insin, kadagidiay windmillsda. Madi ta madi latta ngamin ti riknami.<br /> Apaman a nagsardeng ti luganmi, inalistuak ti bimmaba manipud iti likod a paset ti lugan ta talagan a madi ti riknak, ‘Insin, urayko la nadalapus ni Mang Jaime a dumna iti ridaw. Ket intugawko iti maysa a suli iti ruar ti viewdeck tapno igaok ti sakit ti nakemko. Makais-isemka met, ‘Insin.<br /> Kalpasan ngata ti duapulo a minuto, nagluaskami manen a kabunggoymin ti nagluganan ti Gumil Cagayan iti panangidaulo ni Mang Arthur Urata. Madi latta ti riknak ta agkakapsutak iti ulawko ngem ketdi diakon makadul-ok.<br /> Alas 12:30 ngata idi dumanonkami idiay Ernesto G. Go Mega Complex a nakaangayan ti Kombension, ‘Insin.<br /> NAITAYABEN ‘tay kinamalasmo, ‘Insin, kunam ngata ngem adtoy pay ti maikatlo:<br /> Apagbabami iti lugan natan-awandakamin da Kumpad Dexter(Fabito) ken Kumpad Jobert(Pacnis) a nangipayapay iti pingganda.<br /> Simrekkami ngarud tapno inkam’ koma agparehistro ngem pinagpiladakam’ met nga immunan iti panganan. Nakaalaakon iti kanek, ‘Insin, ngem idi tan-awak ti pagyanan ti pepsi umanay laengen a para ken Ira a sarsarunuek. Sumanamtekak a nakiragup kadagidiay kinaluganak. Pagpiaanna, ‘Insin, ta inyam-ammonak ni Kumpad Jobert iti maysa a balasang, ni Emy Rose Pedronan, nangabak iti umuna a gunggona iti salip ti salaysay para kadagiti estudiante ti kolehio. Ngem saanko unay a nadlaw ti pintasna kadaydiay a kanito, ‘Insin, gapu ngata iti bisin ken ulawko.<br /> Idi malpas ti pangaldaw, nangrugi ti panglukat programa, ‘Insin. Napankami met nagparehistro kabayatan ti innalamano kadagiti kagumilan.<br /> Kalpasan a nakarehistrokami, madama idin ti innadal maipanggep iti saribitniw, ‘Insin, innalami dagiti bagmi manipud iti lugan ni Boss ket napankami iti kuarto a pagdagusanmi a taga-Cagayan.<br /> <br />DAYTOY ti maikapat a kinamalas, ‘Insin:<br /> Immuna a napankami iti Currrimao Central School iti bangir ti kalsada manipud iti Mega Complex. Nakitami ti kuarto a namarkaan iti GUMIL CAGAYAN ngem awan met dagiti mausar a pagturogan, ‘Insin. Napanko ngarud inayaban ni Kumpad Dexter iti Mega Complex ket iti kuarto a nagturoganda ken Kumpad Jobert iti napalabas a rabii (Huebes idi simmangpetda) ti nangibatianmi kadagiti kargami. Nagsublikami iti pagseminaran ngem arigna awan pay nangegmi, ‘Insin, inayabannakami ni Mang Arthur ta yakarmi kano dagidiay kargami. Masulitak koma ta medio adayo ti pagnaen abusta maulawak pay lang ken nasakit ti napaligi ken lumteg a kannawan a sakak ngem awan mabalin, ‘Insin.<br /> Nalawa met ketdi ti kuarto a nagakaranmi, ‘Insin, abunaw pay ti danum ngem awan ti bentiladorna ken dagiti ramit nga agdigos kas iti timba ken tabo. Bayagmi met la ketdi a nangibaga kadagiti maseknan addan ti dua a dadakkel nga electric fan kasta met dagiti timba ken tako.<br /> ITI PANAGSUBLIMI iti pagseminaran, madam nga ipakpakaammoda ti maipapan iti On the Spot Poetry Writing Contest nga addaan iti tema a kas iti tema ti kombension – Karit ti Literatura ni Ilokano: Napalabas, Agdama ken Masanguanan. Masapul a buklen daytoy ti 20 a binatog ken maited iti secretariat iti di naladladaw ngem alas 9 ti rabii.<br /> Nabingay ti pasalip iti dua a kategoria – para kadagiti agdadamo ken para kadagiti bangolan.<br /> Agsipudta maulawak pay lang uray idi malpasen ti pangrabii awan iti panunotko ti mangikur-it iti daniw, ‘Insin. Kimitak ti aglawlawko, kasla adda bukod a lubong ti tunggal maysa a manarimaan nga agikur-it.<br /> Ket kasla kinuldingnak ti apal a kunana, “Abusman pay ta awan ti awatem a premio madamdama dimo la padasenen ti mangikur-it? Kitam dagiti kumpadmo: ni Jobert, umuna a gunggona iti daniw ti RFAAFIL; ni Roy, maikatlo a gunggona iti daniw ti RFAAFIL; ni Freddie umuna a gunggona iti AVAIL ken maikapat iti sarita ti Sta. Rafaella Ilokano Community Literary Awards; ni Dexter, maikatlo iti AVAIL; ken ni Emy, umuna agunggona iti salaysay.”<br /> Kadaydi a kanito a nalagipko ti balasang nga inyam-ammo ni Kumpad Jobert. Sinapulko ida ta impasurotko gayam, ‘Insin, ni Ira, idiay kuartoda a babbai. Nakitak ida iti pagtutugawan iti likod a nayariping iti semento a diding ti complex – agsursurat met iti daniw, ‘Insin!<br /> Kinitak ti selponko. Adda pay pito a minuto sakbay ti alas nuebe! Mangikur-itak! Kunak iti bagik, ‘Insin. Nagpakniak ngarud iti kangatuan a tukad ti agdan a makannawan iti likod a paset ti Mega Complex no sumrekka. Kasla apagapaman a napukaw ti ulawko.<br />Madaman nga agbilbilang iti sangapulo ni Mang Mario Tejada para iti panagrikep ti panangited iti manuskrito nga isalip, idi rugiak ti tumaray manipud iti agdan nga ‘yanko, numona ta nasakit ti sakak, ‘Insin! Apagisu a makabilang iti sangapulo idi maiyawatko ti manuskritok a para agdadamo. Umanal-alak a nagsubli iti likod nga ‘yan dagiti agkakatawa a kabunggoyak ta dida impagarup a sumalipak pay. Kimmaron sa ti ulawko, ‘Insin, iti panagtarayko kasta met ti ut-ot ti sakak.<br />Idi nangrugi ti panagited iti sertipiko ken premio dagiti nangabak kadagiti nadumaduma a pasalip, siak ti nagbalin a retratista, ‘Insin, ta siak met la ti awan premio nga awaten, piman. Sapay la kantiawannak ni Angkel Miks (Arnold Pascual Jose) nga awankan’ ti laingko ta diak nagpaadbays kenkuana (Palanca Awardee met ngamin ‘suna).<br />Kabayatan ti awarding, saan latta met a maungpot ti innestoriami ket dimi la ket ngarud napupuotan a madaman nga iwarwaragawagda dagiti innem a finalist ti On-the-spot Poetry Writing Contest iti benneg ti agdadamo. Nagangayanna, ti laeng 69 a maudi a paset ti parbo a naganko a lastminute69 ti nangegko, ‘Insin.<br />Diak mailadawan ti ragsakko iti dayta a kanito, ‘Insin, ta uray diak pay ammo ti puestok umanayen a nairamank kadagiti nangabak a mangibasa kadagiti daniwda iti kabigatanna tapno idiay a maamuan ti ranggo ti tunggal maysa. Napalalo a yamanko iti Dios, ‘Insin.<br />Daydiayen ti maudi a paset ti programa kadaydi a rabii. Ket sakbay a nagsisinakami kadagiti babbalasang, kinulitnak ni Ira no nairamanak kadagidiay finalist. Pinadasko nga inlibak ngem nakulit a talaga nga ubing isu a napilitanak a nangibaga iti pudno.<br />Inal-alamanodak da Ira ken Emy. Daksanggasat ngamin ti insalip ni Emy ta naabak, ‘Insin. Nariknakon kadaydi a kanito ti bara dagiti nalamuyot a dakulapna ken nakitak ti nagpaiduma nga isem kadagiti matana. Banag a pinampanunotko a nagpatnag bayat iti panangbasbasak iti daniwko.<br />Alas tresen iti parbangon a nakaturogak, ‘Insin! Kadaydi a kanito a napanunotko a Biernes Trese gayam kadayta nga aldaw ket nalagipko amin a napasamak kaniak iti dayta a nagmalem – napintas man ken naalas. Inkarik met iti bagik nga isalaysayko kenka dagitoy, ‘Insin.<br />KABIGATANNA, inawatko ti maikadua a gunggona iti On-the-spot Poetry Writing Contest iti benneg ti agdadamo agraman ti P700.00 a premio, ‘Insin!<br />Napalalo a ragsakko, ‘Insin, ta malaksid a nakagun-odak iti gunggona kadaydi nga aldaw ka-textko pay ni ading balasang kabayatan a sursuratek ‘toy salaysayko!<br />Ita, ‘Insin, mamatika pay lang a malas ti Biernes Trese?Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-35529083805456403432007-04-03T18:25:00.000-07:002007-04-03T18:29:18.934-07:00Pacnis, Nangabak iti Salip iti Daniw ti 5th RFAAFILAdtoy pay ti natabukolak, Kapid iti pagtaengan ti <strong>rfaafil. Kongrats metten kadagiti nangabak. NOTE: Ken 'tayto pinapaitan, a, idiay Currimao. He he.</strong><br /><br />INYALAT ni <strong>Jobert M. Pacnis</strong> ti Ballesteros, Cagayan ti Umuna a Gunggona iti Salip iti Daniw, iti tema nga ayat, ti Reynald F. Antonio Awards for Iluko Literature (5th RFAAFIL) babaen ti daniwna a “Sapulem ti Kulluong.” Nalpasna ti Bachelor of Science in Electronics and Communications Engineering iti Cagayan State University – Tuguegarao City. Agdama a mangisursuro iti Northern Cagayan Colleges Foundation, Inc. (NCCFI).<br /><br />Maika-2, <strong>Aurelio S. Agcaoili</strong> ti Hawaii, U.S.A. babaen ti daniwna a “Barangabang.” Mabigbig ken premiado a mannarita ken mannaniw. Mangisursuro iti University of Hawaii – Manoa, Hawaii, U.S.A..<br /><br />Maika-3, <strong>Roy V. Aragon</strong> ti Tuguegarao City, Cagayan babaen ti daniwna nga “Essem.” Naipasngay iti Dupax del Norte, Nueva Vizcaya ngem agnaed ken ti pamiliana iti Cagayan. Agpapaay a kas Computer Specialist iti St. Paul University – Tuguegarao City.<br /><br />Maika-4, <strong>Benjamin P. Pacris</strong> ti Bantay, Ilocos Sur babaen ti daniwna nga “Independencia Y Revolucion.” Maysa a radio announcer, journalist, lecturer kadagiti Literary ken Journalism Seminars ken chief information officer iti Philippine Information Agency iti Ilocos Sur. Nagpaay a kas Manager iti PIA iti Ilocos Norte ken Laoag City. Nag-presidente iti GUMIL-Ilocos Sur ken agdama a Business Manager iti GUMIL-Filipinas.<br /><br />Maika-5, <strong>Prodie Gar. Padios</strong> ti Alberta, Canada babaen ti daniwna a “Kudos iti Ayatmo iti Bukodtayo a Dila.” Dati a Literary Editor ti Bannawag. Tubo ti Simpatuyo, Sta Teresita, Cagayan ngem agnaed agraman ti pamiliana iti Red Deer, Alberta Canada. Agtrabaho ita iti Red Deer Advocate ken iti Capri Hotel iti pused ti Red Deer.Dexter Marin Fabitohttp://www.blogger.com/profile/03366859294088895342noreply@blogger.com0tag:blogger.com,1999:blog-106370308321480655.post-66068177047300237672007-04-03T18:19:00.000-07:002007-04-03T18:24:33.616-07:00Raras, Nangabak iti Salip iti Sarita ti 5th RFAAFILAdtoy man ti natabukolak, Kapid iti pagtaengan ti <strong>rfaafil. Kongrats metten kadagiti nangabak. NOTE: Ken 'tayto pinapaitan, a, idiay Currimao. He he.</strong><br /><br />NI Jaime G. Raras ti Candon City, Ilocos Sur ti nangyalat iti Umuna a Gunggona iti Salip iti Sarita, iti tema nga ayat, ti Reynald F. Antonio Awards for Iluko Literature (5th RFAAFIL) babaen ti saritana a “Basikaw, Pagutpot, Sukdip.” Mangisursuro iti University of Northern Philippines – Candon City. Agdama nga Editor ti UNP Candon Research Bulletin.<br /><br />Maika-2, Prodie Gar. Padios ti Alberta, Canada babaen ti saritana nga “Imeng ken Anglem iti Sakbibi ti Niebe.” Dati a Literary Editor ti Bannawag. Tubo ti Simpatuyo, Sta Teresita, Cagayan ngem agnaed ita agraman ti pamiliana iti Red Deer, Alberta Canada. Agtrabaho ita iti Red Deer Advocate ken iti Capri Hotel iti puseg ti Red Deer.<br /><br />Maika-3, Aurelio S. Agcaoili ti Hawaii, U.S.A. babaen ti saritana nga “Ayat iti Panawen ti Ariangga.” Mabigbig ken premiado a mannarita ken mannaniw. Mangisursuro iti University of Hawaii - Manoa, Hawaii, U.S.A..<br /><br />Maika-4, Aida C. Tiama ti Asingan, Pangasinan babaen ti saritana a “Yna.” Administrative Officer IV ita iti maysa nga opisina iti U.P. Diliman a nakagun-odanna iti Most Outstanding U.P. Supervisor. Editor-in-Chief iti The Supervisor, ti opisial a publikasion ti U.P. Supervisors Association, Inc., a nagserbianna a kas Press Relations Officer manipud 1991 agingga 2005 ken nakagun-odanna ti U.P. Oblation Award gapu iti mapangnamnamaan a serbisiona a kas PRO.<br /><br />Maika-5, Reynaldo A. Duque ti Candon City, Ilocos Sur babaen ti saritana a “Panagbukar.” Premiado a mannurat ken dati nga Editor-in-Chief ti Liwayway. Daytoy ti maikadua a saritana a mapadayawan iti pasalip ti RFAAFIL.Dexter Marin Fabitohttp://www.blogger.com/profile/03366859294088895342noreply@blogger.com0